Chapter 31

Excited si Abigail na nagpatulong kay Mia na ihanda ang iluluto niyang pakbet at adobo. Dahil ang mga ito ang itinuro nito na mas madali at gustong inuulam ni Axis. At nalaman niya rin mismo kay Mia na hindi totoong adobo ang paborito ng binata kundi lahat ng pagkain ay gusto nito. At gusto niyang sabunutan ang Odette na 'yun dahil akala mo ay alam lahat pero hindi naman pala.

Proud pa talaga itong sabihin na ang adobo ang favorite ulam ni Axis pero hindi pala. Kung nandito lang ang babae ay baka inarkuhan na niya ito ng kilay. Ipapamukha niya sa babae na nagmamarunong lang ito para lang sabihin sa kaniya na mas matagal nitong kilala ang lalaki.

Hindi niya sure kung anong oras makakauwi si Axis pero gusto niya pa ring ihanda ang lulutuin. Dahil ayaw niyang ang unang pagkain na matitikman ni Axis na niluto niya ay palpak. She wants it to be perfect at makitang nagustuhan iyon ng lalaki. Dito na rin niya ito iluluto at pagkatapos ay ilalagay niya sa container at uuwi sa bahay ng binata.