Chapter 47

Tuluyang napahagulgol na si Abigail nang mawala sa paningin niya ang binata. Kahapon lamang ay pakiramdam niya nasa buwan na siya sa kaligayahan. Feeling pa niya ay parang nasa ulap siya. Ngunit sa isang kisap mata lamang ay nabasag ang buwan na binuo niya para sa kanilang dalawa ni Axis. Hindi niya inaasahan na mangyayari ito. Kung nahulaan lang niya na babanggitin ito ng ina niya dahil sa pagtawag nito ay hindi nila sinagot iyon. Hindi naman kasi nito alam na numero iyon ng magulang niya. ‘Di sana ay bago pa nito mapindot ang answer ay napigilan na niya ito. Naiwasan sana ang ganitong hindi nila pagkakaintindihan.

Napahawak siya sa dibdib dahil pakiramdam niya ay hindi siya makahinga. She felt stuffy inside. Parang may kutsilyong bumabaon doon. At paulit-ulit na tumatarak iyon. Nasasaktan siya hindi lang para kay Axis kundi pati na rin sa relasyon nila na kasisimula pa lang na mag-bloom. Ang malas naman kasi ng entrada ng ina niya. Kung kailan ang saya na nilang dalawa saka naman ni