Chapter 51

Ilang beses silang nagpahinga sa daan at ang iba roon ay halos trienta minutos dahil nagsimulang magreklamo si Abigail. Kaya naman alas kwatro y media na ng hapon sila nakarating sa may bukal. Sa tabi 'nun ay may flat area na pwede nilang pagtayuan ng tent. At ang mayayabong na puno sa paligid ang nagsisilbing silungan ng area na ito.

Para may matutulugan sila mamayang gabi ay itinayo na niya ang tent habang si Abigail ay namamanghang pinanood ang pagligwak ng malaking tubig sa gitna ng malawak na bukal. Hindi puwedeng lumusong doon dahil sa malaking tubig na lumalabas doon. Kaya kung gusto mong maligo ay magsalok ka lang. Puwede mo na ring inumin ang tubig dahil malinis at malamig pa iyon. Noong pumunta siya rito ay katulad din siya ni Abigail na namangha sa ganda ng kapaligiran. Napakatahimik at sa mga taong mas prefer ang ganito ay mare-relax talaga sila.

Agad naman na na-set up niya ang tent at nilagay sa loob ang mga gamit nila. Nang tignan niya ang dalaga ay nagsasalok ito ng tu