KABANAT 32 I ANG SUGATANG KAMAY NI VIA

Magkasamang pumunta sina Via at Tya sa tindahan ng Tiya niya. Dumating sila sa bakery pagkatapos kunin ang mga bulaklak na binigay ni Sean.

“Paalalahanan mo ako kung bakit kailangan nating kamuhian ang lalaking iyon, okay?” sambit ni Via habang papasok silang dalawa sa shop. Nakaramdam siya nang hapdi sa kaniyang kamay dahil sa tinik na nagkanda-tusok sa daliri habang inaayos nila ang bouquet na ibinigay ni Sean.

Napasulyap si Tya kay Via na kanina pa nagrereklamo dahil sa pananakit ng mga daliri.

“Sabi ko naman sa iyo, mag-iingat ka. Alam mo namang puno iyon ng mga tinik eh,” paliwanag nito kay Via na kakalabas lang ng mga bulaklak sa vase.

Saglit na napaawang ang labi ni Via at gustong ipagtanggol ang sarili.

“Mga rose lang naman ang alam kong may tinik eh. Hindi ko naman alam na may iba pa pala. Tingnan mo? Maliit lamang ang tinik nila,” saad niya nang maalala ang bulaklak na Euphorbia dahil sa matatalas na tinik nito. Gusto niyang murahin si Sean dahil sinaktan na naman siya ni