Chapter 138

Isang Linggo ang lumipas, patuloy pa rin ang mga tauhan ni Senior Elias na sundan ang apat niyang apo. Ngayon ay sobrang galing na ng naka-assign na sundan si Laurence dahil hindi siya nahuhuli at on-time din magbigay ng update kay Senior Elias kaya nalalaman niya lahat ng ginagawa ni Laurence.

At sa isang Linggo rin na iyon, mas lalong nainis si Paulo dahil hindi na nga sumasama si Laurence sa kanila, kahit kausapin nila ay hindi nila makausap.

"Ano ba talagang problema ng kapatid mo, Sandro?" galit na tanong ni Paulo.

Ikinuyom din ni Sandro ang kanyang mga kamay dahil kahit siya ay nagagalit na sa biglaang pagbabago ni Laurence, hindi rin siya kinakausap ni Laurence. "Huwag mo akong tanungin dahil pareho tayong walang alam!" sigaw ni Sandro.

Nainis din siya dahil siya ang palaging tinatanong ni Paulo. Noong nakaraang linggo ay balak niya na sanang kausapin si Laurence pero tinanggihan siya nito hanggang sa hindi niya na talaga makausap ang kanyang kapatid.

Maraming ginagawa si