Chapter 60

Isang linggo ang lumipas simula nang nakalabas si Igneel mula sa kulungan at hindi pa rin nahahanap si Kenji ng mga tauhan ni Senior Elias, marami na ang nangyari tulad na lang ng pagiging takot ng pamilya ni Aricella kay Igneel. Simula nang malaman nila ang pagkatao ni Igneel, nagiging maingat na sila sa mga galaw nila at sasabihin, kahit tumingin sa mga mata ni Igneel ay hindi magawa.

“May problema ba, Ma, Pa?” tanong ni Aricella sa magulang niya.

Nasa hapagkainan sila, bumalik din si Igneel sa bahay ngunit hindi na tulad ng dati na dito siya natutulog dahil may inaayos pa siya sa palasyo. Pinaglaban niya sa pamilya niya na kailangan niyang makita palagi si Aricella at walang magagawa ang mga ito, ginamit ni Igneel ang kahinaan ng pamilya na kung hindi siya papayagan ni Senior Elias na makita si Aricella ay hindi niya papamunuan ang organisasyon.

"Wala naman anak...uhm, may gusto pa ba kayong kainin? Jennica, magluto ka roon---"

"Ma?" Hindi pinatapos ni Aricella si Janette dahil n