Chapter 21 - At the Presidential Suite

Wala sa sariling sinagot ni Anastasia ang kanyang cellphone.

"Hello?!"

"Anastasia?"

Napatingin siya bigla kay Joyce pagkarinig niya sa boses nang tumawag. Kilala niya ang boses na iyon, dahil ito ang kinalakihan niyang boses.

"T-tita Merideth?" nauutal niyang sagot. Naalala pa nito ang kanyang number? Napatingin naman si Joyce sa kanya pagkarinig nito sa pangalang sinambit niya.

"Mabuti't naalala mo pa ako Anastasia! Kumusta ka na? Baka puwede naman tayong magkita anak, namimis na kita." malumanay nitong saad.

Nagdalawang-isip naman si Anastasia kung maniniwala sa sinabi nito. Ngunit kailangan niyang harapin ang ina dahil hindi pwedeng magtago nalang siya, gayong wala naman siyang atraso sa mga ito.

Bumuntong-hininga muna siya bago sumagot.

"Namimis ko na rin po kayong lahat."

Hindi kaagad ito nakasagot mula sa kabilang linya. "Kung gayon, magkita naman tayo iha." narinig niyang saad nito.

"Okay po, sabihin n'yo lang po kung saan tayo magkikita pupuntahan ko po kayo." sago