Chapter 9 - The trending news

Halos gabi-gabi na ata si Ashton sa Infinite Club na siyang pinangasiwaan ng kanyang kaibigan na si Clyde. Mula noong nabasa n'ya sa list ng mga taong nakatira sa lupaing bibilhin nila para sa bagong project ng kompanya ang pangalan ni Amber Lie De Asis ay hindi na siya pinatahimik nito. Sa halip nag-volunteer pa nga na s'ya mismo ang haharap sa mga taong naninirahan doon upang makitang muli ang dalaga. Hindi niya maintindihan ang sarili kung bakit masyado siyang intresado sa babaeng 'yon. Ngunit sa tuwing naiisip naman n'ya ang dating nobya ay umusbong na naman ang poot sa kanyang dibdib. Lagi n'ya kasing isinisiksik sa kanyang isipan na kaya lang ito nakalaya ay dahil magaling ang abogadong nakuha ng kanyang ina. Hindi niya kasi maamin sa sarili na nagkamali rin s'ya sa pagbintang dito at maraming masasakit na salita ang kanyang binitawan sa harap mismo ng babae. Inaamin niyang nalungkot din s'ya nang mapawalang-sala ito dahil hanggang ngayon ay hindi pa rin nabigyan ng hustisya ang