CHAPTER 50

Chapter 50

Pagbukas ko ng gate ay ibang Rave na ang nakita ko. Kasama niya si Tita na mama niya. Lumaki ang katawan, pumogi at higit sa lahat ay tumangkad. Naroon pa rin ang boyish niyang ngiti.

"Ate Aya! Nandito na ho ako!" Niyakap niya ako.

"Uyy!" nagulat ako sa ginawa niya. "Ampogi mo na ah!" tinapik ko siya sa likod.

"Kumusta po tita?" Nagmano ako sa pinsan ng Daddy ko.

"Mabuti naman iha. Hetong pinsan mo, excited nang lumuwas at makita ka."

"Dito ako mag-aaral ate. Di ba sabi ninyo ni tita dati na puwede ako dito tumira kapag mag-college na ako?"

"Hayun! Taman-tama ang dating mo, aalis na rin ako papuntang Baguio. Mag-pi-PMA ako. Ikaw na muna ang makakasama nina Mommy dito. At least di ba? May lalaki silang kasama."

"Bawal ba pumasok ate?" nakangiti niyang puna.

"Oo nga pala.” Napakamot ako. Nasa pintuan pa lang pala sila at di ko man lang muna sila pinapasok. “Pasensiya na ho tita. Kulit kasi nitong si pinsan. Daming sinasabi kaya nawala ang manners ko. Pasok ho kayo." Binuksan