CHAPTER 58

Chapter 58

Tumunog ang cellphone ko. Tinignan ko kung sino ang tumatawag. Si Rave. Huminga ako ng malalim. Hindi ko pa siya kayang kausapin. Napakalakas pa rin kasi sa akin ng impact ng kababasa kong sulat sa akin ni Dindo. Tinatamaan pa rin ako sa kaniyang mga sinabi. Pinatay ko na muna ang cellphone ko. Ilang sandali pa ay may katok sa pintuan ko.

Tinatamad akong pagbuksan.

"Sino 'yan?" tanong ko.

"Si Mommy, tumatawag kasi si Rave. Tinatanong niya kung nakarating ka na. Gusto ka raw kausapin, anak. Tatawag siya uli."

"Sabihin ninyo Mom, tulog ako. Sabihin ninyo nagpapahinga ako. Saka Mom, mauna na lang kayo kumain mamaya. Gusto ko lang bumawi sa mga pagod ko." sagot ko. “Ako na lang ang tatawag sa kanya.”

"Okey ka lang ba anak?"

"Okey lang ho ako. Pahinga lang katapat nito Mom."

Pinilit kong makatulog. Gusto kong paggising ko ay wala na yung nararamdaman kong sakit at lungkot sa nabasa ko sa sulat ni Dindo.

Madaling araw nang magising ako. Kinuha ko ang cellphone ko at ini-on ko hab