CHAPTER 64

CHAPTER 64

Nang naroon na ako sa gitna ng kadiliman ay biglang may humila sa akin.

Nagpumiglas ako sa pagkagulat.

Mabilis na tinakpan agad ng estranghero ang aking bibig.

"Huwag kang maingay at baka may mga nakasunod sa atin sa mga kasamahan ko.” boses iyon ni Dindo. Tama. Hindi ako maaring magkamali. Itinigil ko ang ginagawa kong pagwawala. “Iniligaw ko lang sila dahil baka makita nilang kakausapin kita." boses ni Dindo.

Naramdaman ko ang magaspang niyang mga kamay sa aking bibig at ang matigas niyang katawan na dumikit sa aking katawan. Tinanggal niya ang kamay niyang nakatakip sa aking bibig. Dahan-dahan akong humarap sa kaniya. Hinawakan niya ang kamay ko at dinala sa mas looban na malayo sa daanan ng tao ngunit may kaunting sinag ng ilaw para maaninag namin ang isa't isa. Pagkabitaw niya sa akin ay hinarap niya ako. Mabigat ang kaniyang paghinga. Nakatingin lang ako sa kaniya mga mata. Hindi ko alam kung ano ang una kong gagawin at sasabihin. Titig na titig siya sa aking mukha. L