Kabanata 53

Kung hindi lamang siya buntis ngayon, hindi siya magiging mapagbigay dito.

Ang kahinaan ni Sally ay ang bata sa kaniyang sinapupunan. Bigla nitong hinawakan ang kamay ni Sharon at inilapat sa tiyan nito. “Hindi ba’t plano mong i-paternity test si Howard at ang anak ko? Sige, gawin mo! Sabihin mo, kapag nawala ang batang ito, malalaman pa ba ni Howard na hindi sa kaniya ang batang ito?”

Nakita ni Sharon ang kabaliwan sa mga mata ni Sally, lumakas bigla ang kaniyang loob. “Tigilan mo na ang pananakot sa akin!” Malakas niyang binawi ang kaniyang kamay, pagkatapos ay umatras nang ilang hakbang upang idistansya ang sarili.

Hind siya natatakot kay Sally, pero natatakot siyang gumawa ito ng mga kakaibang bagay para i-frame siya.

Hindi na mahalaga kung sino ang ama ng bata, pero inosente ito. Hindi siya ganoon kasama para pumatay ng isang munting buhay.

Tumawa si Sally nang makita ang kaniyang inakto. “Natakot ka rin?”

Huminto ito at tumigil sa pagtawa. Pagkatapos, galit siyang tiningna