Kabanata 90

“Tito, ang chef sa bahay ang naghanda ng tanghalin na ito? Ang bango. Hindi pa ako kumakain. Ayos lang bang humingi ng kaunting risotto?” Tanong nito bago umupo.

“Umuwi ka kung gusto mo niyan,” Malamig na sagot ni Simon. Kaagad itong tinanggihan.

Tumigil si Howard sa kalagitnaan ng pag-upo. “Sige, hindi ko na kayo aabalahin pang dalawa. Dahil mag-isa lang naman ako, mag-oorder na lang ako,” Pagmamaktol nito.

Tiningnan niya nang masama si Sharon bago umalis. Kahit ganoon, hindi siya nito tinapunan ng tingin. Masaya pa rin itong kumakain ng tanghalian kasama ang kaniyang tito.

Pinigilan niya ang nag-aalab na galit sa kaniyang puso at tumalikod para maglakad nang mabilis. Sa sandaling isinara niya ang pinto, naglaho ang ngiti sa kaniyang mukha.

Noong una ay mayroong gana si Sharon. Pero matapos dumating ni Howard, hindi niya na gustong kumain pa. Ibinaba niya ang kaniyang kutsara’t tinidor matapos kumain nang kaunti. “Busog na ako. Pwede mo ng ituloy ang pagkain mo nang dahan-dahan,”