Chapter Ninety-Six: Demanda

“SIGURADO ka na ba sa gusto mo Ace?”

Nag-aalalang tanong ni Lucas habang nakaingin sa hawak niyang envelope kung saan ipinakita ito sa kaniya ni Ace ng bumalik ito mula sa labas. Nagpaalam ito sa kaniya na may pupuntahan sandali, ang akala niya ay uuwi na ito sa kanila ngunit hindi pala. Dalawang araw na ang lumipas simula ng pumunta ito sa bahay niya at sinabing makikituloy muna.

“Hundred percent sure,” hindi na alam ni Lucas ang sasabihin sa kaibigan. Hindi ugali ni Ace ang pumunta sa bahay nilang dalawa ni Harris kaya kapag ito ay napunta ng personal mismo ay siguradong importante o di kaya naman may problema ito. Pinapunta niya agad si Harris dahil alak agad ang hinanap sa kaniya ng lalaki. Ngunit dahil nga busy na si Harris ngayon ay wala ito sa pilipinas para sa isang meeting sa ibang bansa.

At ngayon ay kailangan niyang kausapin ng mag-isa si Ace lalo na at sobrang laking gulo ang nais nito. “Ace, hindi mo ito pwedeng gawin kay Stella. Baka kasuklaman ka na niya sa ginagaw