Chapter Twenty-Two: White Angel

4 YEARS LATER

“Alam mo ba kung ano ang status ni White Angel?”

Bulong na sabi ng isang agent na nanonood kay Stella na nag sasanay sa gitna ng kanilang Gym. Halos lahat ng mga kasabayan nito na magsanay kanina ay umalis na dahil sa pagod ngunit ito ay tuloy tuloy parin.

“Hindi mo ba alam? May anak na si White Angel pero hindi pa niya ipinapakita sa team.” Gulat na napatingin ang lalaki sa kausap nito “S-Seryoso?!” tumango ito sa kaniya ngunit napahinto sila ng marinig nila ang malakas na pagsuntok ng babae sa punching bag at napatingin dito.

“N-Narinig niya ba tayo?” gulat na sabi ng nagtatanong na lalaki na ikinaatras din ng kasama niya dahil bigla nalamang lumingon ang babae sa kanila. “Hindi ko alam, umalis nalang tayo dito! Balita ko may kapangyarihan ‘yan!” agad na tumakbo palabas ang dalawa dahil sa takot sa dalaga.

Si Stella naman na nakatingin sa mga ito ay napailing dahil doon. Gusto niyang matawa tungkol sa mga balitang kumakalat na mayroon siyang kapangyarihan gayo