Thirty Two

Jarred Lloyd

Nakagising ako sa sunod-sunod na yugyog ni Yaya Marie nang umagang iyon. Gumising na daw ako at umaga na. Nang makita nitong gumalaw na ako sa kinahihigaan ay agad din itong bumaba ng kama ko at nironda ang buong kwarto ko na alam kong makalat dahil sa pag-iinom ko kagabi.

Hindi na ako nagtanong kung paanong nakapasok ito dahil may mga duplicate talaga ito sa bawat kwarto. Alam kong kawalan iyon ng respeto sa privacy ko lalo pa at kuwarto ko iyon. Minsan pa naman ay nakakatulog ako ng n*******d at nakaboxer lang.

Gayunman ay wala naman akong magiging problema dahil si Yaya naman ito. Isa pa ay mula pagkabata ay nakita na nito ang buong kahubaran ko. Puwera na lang sa abas ko ngayon at siyempre, sa size ng k*****a ko ngayon.

Nasa katanungan ko na din kung nakita ba nito akong luhaan kanina dahil bakat pa din sa mga mata ko ang bakas ng natuyong luha.

Sa tingin ko ay hindi. Nakadapa kasi ako ngayon at nakasubsob sa isang puti at napakalambot na unan.

Napatihaya lang ako