Fourty

Liza

Hindi ko alam kung ano ang nangyari pero nakita ko si Jarred na naglalakad sa papunta sa isang direksiyon. Laglag ang balikat niya, malamlam ang mukha at parang naiiyak na pasuray na naglalakad papasok sa loob ng lugar na iyon.

May malaking basement kasi ang school kung saan doon na ka-reserved lahat ng mga transportasyon na ginagamit ng mga mag-aaral ng St. Luke University.

Iyong mga motor naman na may mapupuwestuhan sa mga gilid ay allowed naman na doon na lamang sa mga lilim at bakanteng lugar dahil baka mapuno ang buong basement sa dami ng mga sasakyan.

Walang kiming tinawag ko ang pangalan niya.

"Jarred!"

Hindi na muna niya ako nilingon dahil hindi din niya tiyak kung saan banda nanggagaling ang boses at pagtawag. Muli kong inulit ang pagtawag sa kaniya.

Mabuti naman at nakita na niya ako kaagad at nakilala na din siyempre.

Dahan-dahan akong lumapit ako sa kaniya at hinihintay naman niya akong makalapit sa kinaroroonan niya.

"Ano'ng nangyari?" Kaswal kong tanong sa kaniya d