Twenty Six

MJ

Dumalaw nga ako kay Crystal at naabutan ko doon si Liza na hinihintay ang aking pagdating. Isang bente minutos lang din ang layo ng sitio Masinloc sa mismong bayan. Hindi naman ako nakaramdam ng pagod o nabagot sa tagal ng biyahe.

Hindi din kamahalan ang pamasahe ko. Tanging sling bag lang ang dala ko na naglalaman ng mga personal na gamit bilang babae at ang aking cellphone. Hindi na ako nagaksayang mag-ayos pa. Matapos manipelyo at suklayin ang buhok ay dumeretso na ako sa abangan ng bus.

Pagbaba ko ng bus ay sumakay pa ako ng traysikel papuntang looban. Papasok pa kasi ang bahay ni Crystal at mabaku-bako pa ang daan.

Agad akong sinalubong ng yakap ni Liza nang matanaw ako buhat sa malayo. Naramdaman ko agad ang pag-alala na nasa loob nito habang higpit ko siyang yakap. Hinaplos ko pa ang likod niya para pagaanin ang loob nito.

"Tahan na. Ikaw na din ang maysabing okay lang si Crystal di'ba?" Mahinang saway ko.

"I know." Mahinang tugon nito habang nananatiling nasa balikat ko ang