Chapter Forty Two : Kapit -Kamay

Nabigla si Jake nang madatnan si Arianne na hirap na hirap na inaabot ang isang mansanas na nakapatong sa mesa. Lumabas muna siya sandali at bumili ng iba pang mga gamot para mas mapabilis ang pagrecover ng babae. Pagbukas niya nag pinto ng room niya ay ganoong tagpo ang eksenang naabutan niya.

Huli na para maagapang masalo pa niya ito. Mabilis niyang dinaluhan ang nobya matapos itong bumagsak sa sahig.

“Arianne,” dalo niya sa babaeng napangiwi sa sakit dahil sa naramdamang paglagpak nito. “Bakit mo naman pinilit na abutin ang mansanas, eh pwede ka namang tumawag. O hindi kaya ay antayin na lang ako. Yan tuloy napano ka.” Sermon niya rito pero wala naman sa boses niya ang galit. Agad niyang binuhat ito para ibalik sa kama.

“P-pasensiya na.” halos padaing nitong sagot na napamasahe sa bandang puwetan na bahagyang namaga. “Kanina pa ako nagugutom.”

“Next time, wag mo na uling gagawin iyon ha?” pahayag niyang parang nangangaral sa isang bata.

Tumango naman ito kahit panay parin ang haplos