Kabanata 33

Ang gusto ko lang naman ay ilagay itong bulaklak na hawak ko sa flower vase at makita ang ganda nito pagkatapos.

Pero ibang tanawin ang sumalubong sa akin. Kakaibang show. Naka-topless lang naman ang babaing mald¡ta at akmang kakandong na sana kay Sir Danny. Pastilan!

"S-sorry..." kanda utal kong sabi habang tiim ang mga mata at takip pa ang bulaklak sa mukha. 'Wag ko lang makita ang ginagawa nila.

"Istorbo!" singhal ng babae. Siya nga kasi ang atat kumandong, kaya siya ang sobrang galit. Habang si Sir, naghihintay lang na lumapat sa mukha niya ang malalaking pakwan.

Naramdaman ko na lang na may humawak sa mga rosas at kinuha iyon mula sa kamay ko.

"Thank you for saving me!" bulong ni Sir Danny.

Saving talaga? Bakit nakamamatay ba 'yong malalaking pakwan ng babae?

Nagsabay lang naman umawang ang bibig at pagdilat ng mga mata ko. Kakagulat! Akala ko, sandamakmak na sermon na naman ang aabutin ko mula sa ka'nya.

"Hindi ka galit, Sir?" pabulong kong tanong.

"Mukha ba, akong galit?"