Chapter 33: Text Message

AYEISHA

NAGTAAS ako nang tingin kay Bembem. “Ano bang meron kay King at baliw na baliw ako sa kan’ya?” ani ko sabay sapo ng mukha gamit ang dalawang kamay.

“Hindi ko alam kung anong nakita mo sa kan’ya maliban sa guwapong mukha, girl. Kahit ako, ‘yon din una ko nakita sa kan’ya. Pero isa lang ang alam ko, puso natin ang nagdidikta sa ‘tin kung sino ang mamahalin. At hindi kayang gawin ng isip ang pumili, mas lalong hindi kayang pigilan. Masasaktan tayo lalo, doble pa sa nararamdaman natin kung susuwayin natin ang puso natin. At sa ‘yo? Sinunod mo lang ang nais ng puso mo.”

Tumayo ako at nagpabalik-balik sa harap niya pagkuwa’y tumingin ulit ako sa kan’ya.

“Alam mo ba kung sino ang nobyo ko ngayon?” Natawa pa ako nang pagak.

Napaayos nang upo si Bembem pero bahagyang kumunot ang noo niya. “May nobyo ka ngayon?”

“Meron.” Napabuga pa ako ng hangin sabay hilot ng sintido.

“Sino?”

“King Hernandez.”

Literal na nanlaki ang mata ni Bembem sa sinabi ko. “Oh my G! Nagbibiro ka lang, girl. Ri