Chapter 31

Shanra

Maaga ulit akong gumising ngayon ngunit hindi para mag-jogging kundi para magpunta sa school na pinagtuturuan ko ng self-defense. Wala akong pasok ngayon ngunit tinawagan ako ng head nang school at pinapapunta nang maaga. Hindi ko alam kung bakit niya ako pinapapunta dahil ngayon lang naman nangyari na tinawagan ako ng school.

Pagdating ko sa school ay agad akong dumiretso sa opisina ng head dahil iyon ang bilin niya sa akin. Kumatok muna ako ng tatlong beses at nang marinig ko ang boses ng head na pinapaasok ako ay saka ko pa lamang binuksan ang pintuan at pumasok sa loob. Hindi lamang ito ang tao sa loob ng opisina nito ngunit hindi ko pinansin o tinapunan man lang sila ng tingin. Deresto lamang akong naglakad palapit sa harapan ng head na si Mr. Ramon Choa. Naramdaman ko na may kakaiba sa paligid lalo pa at tila hindi mapakali ang head.

"Good morning, Sir. I'm already here. Ano po ang sadya ninyo at pinapunta ninyo ako ng maaga kahit na wala akong pasok?" walang paligoy-ligo