Chapter 34

Shanra

Pagkatapos akong padalhan ng text messages ni Ninong Eddie ay agad akong nag-drive papunta sa BAS headquarters. Ni hindi nga muna ako naligo o nagbihis man lang ng damit dahil medyo basa ang suot kong uniform pa ng aking klase. Gustong-gusto ko nang makarating sa headquarters para malaman ko kung sino ang aking next target. Pang-pito ko na ito itong next target ko. Pagkatapos nito ay tatlong tao na lang ang kailangan kong ma-assassinate at makakaharap ko na rin ang BAS leader. Makakausap ko na rin siya ng harapan at matatanong ko sa kanya ang mga nais kong itanong at malaman.

Mabilis ang patakbo ko sa aking kotse dahil gusto ko agad na makarating sa headquarters ngunit nang makita kong naka-red ang traffic lights ay inapakan ko ang preno ng sasakyan ko para huminto ngunit laking pagtataka ko nang hindi kumagat ang preno. Wala akong choice kundi ang dumiretso na lamang kahit na naka-red sa aking side. Mabuti na lamang at walang nauuna sa akin na sasakyan kaya wala akong nabangg