Chapter 64

Shanra

Pakiramdam ko biglang nanghina ang aking mga tuhod at nanlamig ang aking buong katawan nang marinig ko na tungkol kay Craig ang pag-uusapan namin. Kung paano siya mapapatay para maalis ang tinik sa lalamunan ng BAS. Hindi ako nagpahalata na bigla akong nanlambot dahil siguradong magtataka sila kung bakit ganito ang reaksiyon ko.

"You can sitdown here, Shanra," biglang inilapit ni Tom ang isang upuan kung saan ako nakatayo at kusa niya akong iniupo. Alam kong nahalata niya ang naging reaksiyon ko dahil alam niyang kilala ko si Craig at malamang ay nahuhulaan na nito na hindi lamang kami simpleng magkakilala kundi may namamagitang espesyal na relasyon sa pagitan naming dalawa ni Craig. Thankful ako dahil kahit may alam si Tom ay nanahimik ito at hindi ako ibinuko. Sa unang pagkakataon ay nagkaroon ako ng pakiramdam na may isa akong kaibigan. Isang tunay na kaibigan sa katauhan ni Tom.

"Thanks," mahina ang boses na sabi ko kay Tom. Tango lamang ang isinagot niya sa akin at bahagya