Chapter 23 BIPR

AMBER POV

MATAPOS ANG nangyari sa Savard Resort ay umalis din ako agad. At dito ako dinala ng mga paa ko sa harap ng apartment ng kaibigan kong si Lara.

Habang sakay ng taxi kanina ay abot-abot ang kaba ko. Kinakabahan ako na baka sa isang adik na taxi driver na naman ang masabat ko. Pero awa ng Diyos ay hindi naman dahil mabuting tao ang driver ng taxi.

At tila ako nakahinga nang maluwag nang tumigil sa harap ng apartment ni Lara ang taxi.

Sa kabila ng pagod ng katawan ko ay nagawa ko pa ring makalakad, kahit pa nga sobrang nananakit ang gitnang bahagi ng katawan ko.

Hindi lang isang beses akong inangkin ni Zeus, kun'di maraming beses. At aaminin kong sa mga pahuling pagniniig ay kusa na akong bumigay.

Alam ko sa sarili ko na gusto ko na iyon, pero hindi ko maitatanggi na hindi nawala ang panginginig ng katawan ko na palagi kong nararamdaman noon kapag napapadikit ako sa katawan ng lalaki.

"Lara?" tawag ko habang kumakatok.

"Lara?" ulit ko.

Sa pangatlong pagkatok ko ay bumukas na an