Chapter 24 BIPR

AMBER POV

"ATE AMBER!"

Patakbo akong lumapit kay Aldrin nang makita ko itong nakatayo habang kumakaway sa akin.

Nang makalapit ako rito ay niyakap ako nito nang mahigpit. Pagkatapos niyon ay pinakawalan din ako nito at malungkot na tumingin sa akin.

"Si Tatay at Nanay?" tanong ko.

Iginaya ako nito paupo sa upuan na nasa labas ng operating room.

"Si Tatay lumabas lang sandali, siguro nagkasalisi kayo, si Nanay kanina pa dinala sa loob," sagot nito sabay turo sa pinto ng operating room.

Malungkot na hinawakan ko ang kamay ni Aldrin. "Magtiwala lang tayo kay Lord, alam ko kakayanin ni Nanay iyon," sabi ko.

Pero maging ako ay nilulukob nang matinding takot para kay Nanay. Medyo may edad na kasi si Nanay kaya iyon ang mas inaalala ko, naming lahat.

"Alam ko naman iyon, Ate. Pero nag-aalala pa rin ako, sa kanila ni Tatay."

Binitawan ko ang kamay nito at saka inakbayan. "Malalagpasan natin 'to, basta samasama tayo at huwag tumigil magdasal. Walang imposible kay Lord."

"Ayos ka lang