Chapter 38

MABILIS ANG HAKBANG na ginagawa ni Rana makapasok lang agad sa bahay at makita ang kalagayan ni Beelzebub katulad ng sinabi ni Zeldris sa kanila. Sobrang pag-aalala ang nararamdaman niya, nararamdaman niya ang pagkabog ng kaniyang dibdib sa sobrang kaba na nararamdaman niya para sa sitwasyon ni Beel.

Nakasunod lang si Victoria sa kaniya habang nakikita nito ang paghangos ni Rana makapasok lang agad sa loob ng bahay nila.

“Beel?!”

Agad na hinanap ng mga mata ni Rana si Beelzebub pagkapasok na pagkapasok niya sa loob ng bahay kung saan si Belial ang kaniyang naabutan na nakatayo lamang sa labas ng pintuan ng kwarto nila ni Victoria.

“Belial?”

Agad na lumapit si Rana kay Belial na nakatingin lang sa kaniya.

“Nasaan si Beel?” agad na tanong ni Rana ng magbukas na ang pintuan ng kwarto nila ni Victoria at lumabas doon si Endemion na bahagyang nagulat ng makita silang dalawa ni Victoria.

“Rana? Bakit narito ka na? Inihatid ka ba ni Zeldris dito?” sunod-sunod na tanong ni Endemion kay Rana