Chapter 45

PALUHOD na bumagsak si Victoria sa damuhan matapos maibalik sa kaniya ang kaniyang mga ala-ala simula ng nakaraan niyang buhay at kung paano niya nakilala si Zeldris at minahal, kung anong mga pinagdaanan niya hanggang sa maging kung ano siya ngayon, dating tao na naging bampira.

Nang bumalik lahat ng kaniyang ala-ala ay naramdaman ni Victoria na parang pinipiga ang kaniyang puso sa sakit dahil sa nangyari sa kaniya sa kamay ng isang lalaking kinuha ang kaniyang puri ng sapilitan at pinatay ang kaniyang ina. Pati ang sakit ng ikalawang buhay niya ay ramdam na ramdam niya, pero walang mas hihigit na sakit sa nararamdaman niya dahil sa mga ginawa ni Zeldris para sa kaniya. Hindi lang ala-ala niya ang bumalik, pati mga nangyari sa kanila ni Zeldris ay ipinakita ng diyosa na si Aranyani. Sobrang paghihinagpis ang kaniyang nararamdaman sa sakripisyo na ginawa ni Zeldris para sa kaniya, ang pagbibigay nito ng kalahati ng apoy ng buhay nito mabuhay lang muli siya, ang magtiis na makita lang