Chapter 40

“Sa tingin mo Beel, makakahingi si Victoria ng halamang gamot sa diyosa ng walang kapalit na hihingin?” pag-aalalang tanong ni Rana kay Beel ng akma niyang pupunasan ang noo ni Zeldris dahil sa pagpapawis nito na agad pinigilan ni Beelzebub.

Napalingon si Rana dito ng kunin nito ang bimpo na hawak niya at ito ang gumawa ng pagpunas sa pawisang si Zeldris, na dapat ay gagawin niya.

“Wala akong ideya, mabuti na hindi na niya kinuha ang kalahati ng buhay mo kahit tinulungan ka parin niya. Pero sa pagbalik ng bampira na ‘yun, hindi ko alam kung papayag muli si Aranyani na walang kapalit na ibibigay ang bampira na ‘yun.”sagot ni Beelzebub habang ito na ang nagpupunas ng pawis ni Zeldris na bahagyang ikinangiti ni Rana.

“Nag-aalala ka ba sa kapatid mo? Alam kong ang isang demonyo ay hindi nakakaramdam ng pag-aalala, pero naiiba ka kasi para sa akin.”

“Nag-aalala? Ayaw ni Zeldris na may nag-aalala sa kaniya, ang pakiramdam niya ay mahina siya kung aalalahanin siya. Si Escanor, masasabi kong