Kabanata 32

Mabilis na lumipas ang mga araw. Sa mga nagdaang iyon, nakatapos ako ng ilang commissions at nakalikom ng malaking halaga. Kung tutuusin, mababayaran ko na ang natitirang utang namin sa Senyor sa kinita ko pa lang kay Luke pero nitong mga nakaraang araw, parang ayaw kong malaman ni Nanay na may pambayad na kami. Alam kong kapag nalaman niya, may dahilan na siyang lumipat kami sa probinsiya. Kaya pala doon siya natulog noong isang linggo, kinausap niya si Tiya Marga kung puwedeng doon na muna kami sa kanila tumira.

Nalulungkot akong isipin na aalis kami at lalayo na. Gayunpaman, tinitimbang ko pa rin ang kagustuhan kong makapag-aral. Kaya nga lang, mangyayari lang iyon kapag napalayo ako kay Russel.

“Wag na talaga, Daimler. Hindi naman malalaman ng kuya mo,” pinal kong sabi.

Isang linggong mawawala si Russel dahil may aasikasuhin daw. Ipinatawag ng Senyor. Kasama sa pamamaalam niya ang bilin kay Daimler na ito