Chapter 128

Kinabukasan nagising ako na wala sina Max at Liam sa kama. Inayos ko muna ang kwarto niya bago ako lumabas. Pagpasok ko sa aking kwarto agad kong ginawa ang aking mga daily routine.

Inilagay ko sa ibabaw ng kama ang susuotin kong damit. Magbibihis na sana ako nang may narinig akong kumatok sa pinto.

“Sandali lang!” sigaw ko. Isinuot ko muli ang bathrobe. Napalunok ako nang nakita ko si Liam. Tagaktak ang pawis niya.

“May lakad ka?” tanong niya. Pumasok siya sa loob ng kwarto.

“Naligo lang, may lakad agad?” pamimilosopo ko. Kinuha ko ang aking mga damit sa ibabaw ng kama.

“May nagawa ba akong mali? Kahapon ka ba ganiyan sa akin.” Pinunasan niya ang kaniyang mga pawis sa katawan gamit ang tuwalya ko.

“Wala naman,” tamad kong sagot. “Magbibihis muna ako.”

“Hey, wait. Sa banyo ka magbibihis?”

Nilingon ko siya. “Saan pa ba ako magbibihis? Nandiyan ka naman,” pagtataray ko.

“Ano naman kung nandito ako?” Tinaasan niya ako ng kilay. He crossed his arms. “Dito ka magbibihis.”

“Liam!” s