Chapter 45

"Sayang naman. Ipapakilala rin sana kita sa mga friends and naging classmates ko before," sabi ni Britney at pinaglaruan ang hawak niyang lapis. "Sumama ka na, please. Para naman hindi nila ako painomin ng marami. Alam mo naman kung gaano ako kahilig pumarty at uminom ng alak. I can't say no to all of my friends," dugtong niya. Tumayo siya at naglakad patungo sa akin. "Ngayon lang naman. Next time hindi na kita kukuliting sumama," pagpupumilit niya.

"Basta huwag kang iinom ng marami. Alam mo namang hindi pa ako marunong magmaneho ng sasakyan," sabi ko kay Britney. Napalunok ako nang bigla niya akong yakapin.

"Ang bait mo talaga. Hindi mo talaga ako matitiis no?" sabi niya at tumawa. "Promise, hindi ako iinom ng marami mamaya. After the party ay uuwi rin tayo baka mapagalitan tayo ni Daddy."

"Wait, nagpaalam ka na ba kina Mommy at Daddy na pupunta tayo mamaya para sa opening ng bar ng kaklase mo?" bigla kong tanong kay Britney. Mamaya rin kasi sila dadating. Umiling si Britney. Tina