CHAPTER THIRTY-TWO

LUMABAS AKO NG bathroom nang matapos akong maligo. Hindi ko nakita si Luke sa loob ng kwarto nya nang makalabas ako. May pinuntahan lang siguro.

Minsan ay dito ako natutulog sa condo ni Luke. Wala naman syang reklamo doon dahil sya mismo ang nag-offer sa akin na dito na ako tumira sa condo nya. Agad akong umayaw at nagtampo sya sa akin. Para hindi na sya magtampo ay sinabi ko na lang na dito na lang ako

matutulog minsan, hindi 'yong dito ako titira. Pumayag naman sya kaya heto ako ngayon.

Umikot ako sa kama para sana kunin ang lotion pero agad akong sinalubong ng malamig na simoy ng hangin kaya napayakap ako sa aking sarili. Nakasuot lang kasi ako ng manipis na roba na hanggang sa baba ng tuhod ko kaya kahit suot ko ito ay ramdam ko pa rin ang lamig.

Agad akong naglakad palapit sa may glass door para isara iyon. Nang makuntento na ako sa temperature na kailangan ko ay naglakad ako sa may drawer at kinuha ang lotion doon.

Binuksan ko ito at nilagyan ang palad ko. Ipinatong ko ang akin