Chapter 28

Umalis ako ng bahay na may mas maraming iniisip. Hindi ko naman talaga kailangan ng bodyguard pero ano pa nga ba ang magagawa ko? Gusto kong mainis at 'wag na lang pasamahin sa akin ang mga boduguards ko kaya lang ay wala na akong magawa dahil ayaw nila akong sundin sa gusto kong 'yon. Iyon daw kasi ang bilin sa kanila ni Daddy at susundin naman daw nila ang ibang gusto ko basta ay 'wag lang ang paalisin sila. Napapairap na lang ako ng patago at napapabuntonghininga.

Papunta ako sa restaurant kung saan kami magkikita ni Stella. Gamit ko ang sasakyan ko at sa likuran ko naman ang sasakyan ng dalawa kong bodyguards. Ang gusto pa nga nila ay sila na ang mag-drive para sa akin pero hindi ako pumayag. Ang utos lang naman sa kanila ni Daddy ay bantayan ako at hindi i-pag-drive kaya naman wala silang nagawa roon.

"Sa malayo na lang kayo. Ayokong may makakita na may bodyguards ako," bilin ko sa dalawa.

"Sige po, Ma'am. Kami na po ang bahala" sagot naman sa akin ni Romel.

"Papasok ako sa r