Chapter 55

Parang kulog naman ang boses ni Tito Christian nang marinig namin 'yon. Agad namang lumapit si Lucas sa dalawang kapatid niya para awatin ang mga ito. Napahinto rin naman silang dalawa dahil naroon na nga ang mga magulang namin. Napapikit ako ng mariin doon dahil hindi sa ganitong sitwasyon ko gustong ipaalam sa kanila ang lahat pero bumulong lang sa akin si Ate roon para palakasin ang loob ko.

Isinara ang pintuan doon at kaming pamilya na lang nga ang naroon. Kabado naman akong napatingin kina Mom and Dad na nagtatakha ang mga mukha roon habang tinitignan akong namumugto ang mga mata.

"Bakit mo kami pinatawag, Lisette? At ano ang dapat nating pag-usapan? May problema ba?" sunod-sunod na tanong naman ni Daddy.

"Good news or bad news?" tanong naman ni Mommy.

"Both," sagot ni Tita.

"Then let's start for good news," sabi naman ni Lucas doon na wala ring kaalam-alam.

Napatingin sa akin si Tita Lisette at tumango sa akin na para bang sumenyas na ako na ang magsabi roon pero napailing