Chapter 30

"Unti-unti na siyang pinapatay ng lason sa katawan niya," sambit ni Levi.

Halos gumuho ang mundo ni Asher nang marinig niya ito.

"Hindi siya pwede mamatay. Wala bang ibang paraan para magamot siya?" tanong niya.

"Meron, may potion na ginagawa pangkontra sa lason. Pero mahirap makahanap ng sangkap para doon."

Humigpit ang pagkakahawak ni Athena, may gusto siyang sabihin ngunit wala na siya lakas para magsalita.

Nang makita ni Asher ang mukha niya na hirap na hirap, hindi na niya nakayanang tignan ito. Inalis niya ang kamay ni Athena saka lumabas.

"Saan ka pupunta?" tanong ni Tyler ngunit hindi ito pinansin ni Asher.

Napatingin si Asher sa direksyon papunta kila Liam. Napansin niyang mas madilim ang pangit doon kumpara sa kinatatayuan niya. Nakita niya rin si Kura habang lumilipad ito sa langit.

Nagtungo siya doon.

"Kuya!" sigaw niya.

"Anong ginagawa mo dito?" tanong ni Liam.

"Si Athena..."

Nang marinig ni Liam ang pangalan ni Zaira, nagdilim lalo ang aura niya. Namatay ang apoy sa pal