Chapter 57

"Handa na kayo?" tanong ni Greg kila Max habang nakatayo sila malapit sa House of Correction.

Nakasuot sila ng damit na katulad sa mga tagabantay sa House of Correction. Merin din silang gamit na pekeng nameplate at badge. Para makapasok sila sa loob kinailangan nilang magpanggap na nagtatrabaho sila sa loob.

"Kanina pa," sagot ni Ivan.

"Papasok na tayo," sabi ni Greg sabay ayos ng necktie.

Nag-umpisa na silang maglakad at kasalukuyang naglilibot ang mga bantay sa labas.

"Sino yan?" tanong ng isa sa kanila.

Tutukan na sana sila ng flashlight pero mabilis na kumilos si Ivan para patulugin ito.

"Ano gagawin natin diyan?" tanong Max.

"Hindi naman niya tayo nakita kaya hayaan na lang natin siya diyan," sagot ni Greg.

Naglakad na sila papasok ng House of Correction. At dahil sa suot nila hindi sila pinagdududahan ng mga ito.

Tahimik ang buong lugar dahil hating gabi pa lang.

"Vinz," panggigising ni Greg kay Vinz na natutulog sa bulsa niya.

"Nandito na ba tayo?" tanong nito habang kinukusot