CHAPTER 13

Nang makadating sina Ivor at Isaac sa amusement park, hindi napigilan ng bata na tumakbo habang masayang masaya na nililibot ang tingin sa kapaligiran. Napupuno ng makukulay na rides, booths, mascot at bubbles ang paligid.

Hinabol naman kaagad ni Ivor si Isaac at hinawakan niya ito sa pulso. “Huwag ka masyadong lumayo sa’kin, Isaac. Baka mawala ka.”

Nag-angat nang tingin si Isaac saka siya humagikgik. “Sorry po, Uncle Ivor! Tara po, samahan niyo na po ako sa carousel!” sabi nito saka siya hinila ng bata patungo sa carousel.

At dahil pang-bata lang iyon na rides, sinamahan lang ni Ivor si Isaac sa pila hanggang sa makapasok ito sa loob at makasakay sa kabayo. Nang umandar ang makina ng carousel, hindi maitago ang lawak nang ngiti ni Isaac kaya naman napangiti si Ivor. Ang cute nitong tingnan na nag-e-enjoy.

Habang umaandar ang carousel, vini-video-han ni Ivor si Isaac at kumakaway naman ito sa kaniya. Kinawayan din naman ni Ivor pabalik ang bata. Nang matapos ang pag-andar ng carouse