Chapter 20

Nagkagulo sa mansion ng mga Angeles. Hindi na nakontak ng mag-asawang Anatalia at Arthur at bunsong anak. At nang magtungo sila sa townhouse na inuupahan ay wala din silang nakalap na impormasyon kung saan nagtungo ang anak. Tanging hinagpis ang nadama ng mga magulang ni Trixxie sa kanyang biglaang pagkawala.

“Trixxie, nasaan ka na ba pumunta anak?” Naiiyak na si Senyora Anatalia habang walang sawang paulit-ulit na tinitip ang cellphone. Si Senyor Arthur naman ay tahimik na nakaupo lang sa sofa habang iniisip ang susunod na hakbang. Dumating si Harvey na galing pa sa Free range chicken farm.

“Mama, may napansin ba kayo kay Trixxie bago siya umalis?” tanong ni Harvey sa ina.

“Wala naman anak. Maliban na lang sa palagi niyang inu-update kami ng Papap mo sa kalagayan ni Trevin ay wala siyang nababanggit na problema. Dios ko anak, nasaan na kaya ang kapatid mo?” Humagulgol na ang ina sa pag-aalala sa anak at