Chapter 56

Kanina ay natutuwa ako dahil makakalibre na naman ako ng pagkain sa gabing ito, pero sa ngayon, mukhang hindi na pwede pang pumasok ang pagkain sa aking sikmura dahil sa eksena na nasa aking harapan.

Paano ba naman kasi ay halos lahat ng mga kalalakihan na aking mga kasama ay may mga kandu-kandung na mga babae, mapaguro man o mga estudyante. Ang mga iilan na babaeng kasama ko dito ay nagsilipat na ng pwesto dito sa banda ko.

Si Liam at Dean lang ang wala. Sino ba naman kasi ang lalapit kay Liam kung nandiyan si Larian na bantay sarado sa kanya? Nagkasya na lang si Liam sa panunuod sa mga kababaihan na nagkakatuwaan at lumalangoy sa tubig.

Wala ring naglakas loob na lumapit kay Dean, dahil bukod sa siya ang Alpha ay babahag agad ang buntot ng sino mang magtangkang lumapit sa kanya dahil sa madilim niyang mukha. Hindi naman siya mukhang galit, wala lang siguro sa mood at halatang badtrip

Nagkamali ako sa iniisip ko sa kanya. Ang akala ko noon ay mahilig siy