CHAPTER 10

MARAHANG iminulat ni Sofia ang mga mata nang maramdamang tila may nakatitig sa kaniya. Napangiti siya nang mapagtantong si Euna iyon. Titig na titig sa kaniya ang bata na tila hindi makapaniwalang nasa tabi siya nito at yakap-yakap.

"Good morning, baby," nakangiti niyang bati, saka hinalikan sa pisngi ang anak.

Marahan nitong kinusot-kusot ang dalawang inosenteng mata. Tila ba sinisiguro nitong hindi ito nananaginip lamang.

She softly chuckled upon seeing Euna's cute kiddie gesture. "Baby, si mommy mo nga ito," natatawa niyang turan.

"Mommy, are you not angry with me anymore?" inosente nitong tanong.

She simply smiled, saka marahang umiling. All along ay akala talaga ng anak na galit siya rito. When in fact ay nadamay lamang ito sa muhi niya sa ama nito.

"I'm definitely not. Bakit naman ako magagalit sa baby ko, huh?" lambing niya. Ikiniskis pa niya ang sariling ilong sa mumunting ilong nito.

Napahagikhik si Euna,