Chapter One Hundred Thirty Eight

 WALANG-GANA si Minnie nang bumangon. Tatlong araw na ang lumipas ng huling magpunta roon si Gideon. Kahapon sana ay schedule nito sa kanya, ngunit hindi ito dumating.

Tinatawagan niya ito pero hindi ito sumasagot kaya wala siya sa mood ngayon. Hanggang isang katok mula sa pinto ang naulinigan niya.

Nang bumukas iyon ay nakita niyang si Vonie ang pumasok, kasunod nito ang kambal.

"Mommy! si Daddy nasa baba! kasama niya iyong maganda niyang kaibigan!" malakas nitong balita sa kanya na ikina-kunot noo niya.

"Ano bang sinasabi mo Von?" tanong niya sa panganay na tumabi sa kanya mula sa kama.

"Basta Mommy, bihis ka na po. Kasi sabi niyong magandang babae na kasama niya ay gusto ka niyang makausap."

Kaya kahit hindi niya alam ang pinagsasabi nito ay sinunod na lamang niya ito.

"Fine, bantayan mo muna ang mga kapatid mo. Teka nasaan ba si