Chapter Thirty Four

    DAHIL sa malalim ang iniisip ni Minnie ay hindi na niya namalayan na pumasok na pala ang ina niyang si Alicia.

"Anak, maari ba kitang kausapin ngayon?"

"Sige po nay,"tugon naman ni Minnie at tuluyan silang naupo sa papag.

"Alam kong nabigla ka at hindi mo halos mapaniwalaan ang lahat ng mga nalaman mo ngayon. Pero hiling ko lang ay sana bigyan mo ng pagkakataon ang mama at ang papa mo na bumawi sa iyo,"hiling ng ginang na hinawakan pa ang palad ni Minnie.

Hindi naman nakapagsalita ito at mataman nag-iisip. Hanggang sa tuluyan nitong masabi sa  kinalakhan na ina ang totoong nasa puso niya.

"Nay, bakit niyo ho ba inilihim sa akin ang lahat... n-na hindi niyo ako totoong anak?"naluluhang tanong ni Minnie.

Napakasakit sa kanya na ang pamilyang nakasama niya sa paglaki ay hindi pala niya totoong pamilya.

"Patawarin mo sana kami ng Tatay mo, ayaw lang namin na umiba ang tingin mo sa amin bilang