Chapter Thirty Three

    UNTI-UNTING nagmulat si Minnie,unang-una na nakita niya si Sandy na nakatunghay sa kanya at labis ang pag-aalala sa mukha.

Sa pagkakita niya rito ay muling napabalik sa isipan niya ang nangyari bago siya tuluyan mahimatay.

"O-okay ka lang Minnie... a-anak?"Puno ng pag-aalala ang tinig ni Sandy at masuyong dinampian ng palad nito ang braso niya.

Ang nanay Alicia naman niya ay tinulungan siyang mapa-upo. Mabilis din lumapit ang kapatid niyang si Mandy na may hawak na isang tasa.

"Heto ate uminom ka muna ng tubig,"wika nito at inalalayan papunta sa bibig niya ang tasa.

Lumagok naman si Minnie roon, halos naubos niya ang laman  niyon. Nang tapunan niya si Sandy ay nanatiling nakahawak pa rin ito sa kanya, dahil sa nakaramdam siya ng weird feelings ay pasimple niyang inalayo ang kamay na hawak-hawak ng totoo niyang ina.

Lumatay sa mukha ni Sandy ang lungkot sa ginawa ni Minnie.

"Gusto ko po sanang mapag-isa,"pakiusap ni