Chapter Twenty-three

Ang tagal ko bago nakahuma sa sinabi niya at talaga naman nabigla pa ako nang sobra .

Nakaawang lang ang aking bibig at pilit na pinoproseso sa pagod kong utak ang sinabi niya. Hindi ako pwedeng magkamali sa sinasabi ng aking utak. May tiwala ako sa kanya. Marry me, sa tagalog, pakasalan mo ako! No! I need space!

Maya-maya pa ay tila natauhan na rin ako sa saglit na pagkatulala ko.

"Hoy, busangot! Anong marry me, marry me, ka dyan?!" singhal ko pa sa kanya. Aba! Saan ka naman nakahanap ng ganitong uri ng tao? Basta ka lang aalukin ng kasal?

"Sabog ka ba, huh? Lumayas ka nga sa harapan ko. Baka hindi na ako makapagpigil sa pagmumukha mo! O baka naman nalipasan ka ng gutom?" tanong ko habang nakapamewang pa at nakatikwas ang aking malago na kilay.

Hindi ko tuloy alam kung sumisinghot ba siya ng ipinagbabawal na gamot? At kung anu-anong lumabas sa bibig niya. Pati ako ay pinagtitripan pa! Kapag nga naman tinamaan ka ng magaling ay natapat pa ako sa sinto-sinto!

Parang gusto ko pa na maa