Chapter 19: Covering A Lie With A Lie

NIKITA

Kasalukuyan akong nakaupo ngayon sa sofa habang ngumunguya ng paborito kong cookies at pilit na iniintindi ang palabas na pinapanood ko dahil hindi talaga matanggal sa isip ko ang mga sinabi sa 'kin ni Hanz kahapon. Hanggang ngayon parang nag-eecho sa isip ko ang lahat ng sinabi niya. I still can't believe what he said to me.

Mahal niya na ako dati pa, hindi bilang best friend kung 'di bilang babae at hindi pa rin ako makapaniwala. Isa-isang nagpakita sa isip ko ang mga naging trato ni Hanz sa akin. Kapag tinatamad akong bumaba para bumili ng pagkain tuwing recess ay dinadalhan niya ako sa classroom para may makain pa rin ako kahit pinagsasabihan ko na siyang huwag na. Kapag may assignments ako na hirap akong gawin ay tinutulungan niya ako. Minsan ay sinusundo niya rin ako sa bahay para sabay na kaming pumasok sa paaralan. Kapag nasusugatan ako sa sobrang lampa ko ay nagagalit siya sa 'kin pero tinutulungan akong gamutin ang sugat ko. Kapag nagkakasakit din ako ay pumupunta siy