Chapter 15.2

“Oh bakit galit na galit ka nanaman anak?” takang tanong ni Claire dito.

“Naku tita, baka inaway nanaman niya si Fiona!” sabi ni Tiana na ikinakunot ng noo ni Claire at dali-daling pumasok sa loob kaya walang nagawa si Catherine.

Nakita ni Claire na wala na nga doon si Fiona at gulo-gulo na ang higaan nito. Tumingin siya kay Catherine at nameway sa harap nito. Para namang naging maamong tupa si Catherine dahil doon lalo na’t alam niyang papagalitan siya ng ina.

“What did you do this time Catherine?” seryosong tanong ni Claire na hindi ikinasagot ng anak.

Sila Bianca, Tiana at Selena naman ay gustong matawa dahil sa nakikita nilang reaction ni Catherine. Hilig pa naman nilang asarin si Catherine kapag nasa school. Lalo na siguro ngayon dahil kitang-kita nila ang pagiging maamo nito na tila nagpapa-awa sa ina.

“Tinuruan ka ba namin ng daddy mo na maging ganon ha? Nagkulang ba kami sa pag-aalaga sa’yo Catherine?”

“M-mommy, hindi po sa ganon.” Agad na sagot ni Catherine sa ina.