Chapter 3.2

“SAAN ba tayo pupunta Archer?”

Nagtatakang tanong ni Zoey at maging siya ay natatakot na ‘rin sa maaaring mangyari sa kanila. Nang dumating siya ay mabilis ‘din silang umalis doon dala lang ang iilang gamit nila dahil ayon na ‘din kay Archer ay maaaring ano mang oras ay naroroon na ang mga lalaking nagtatangka sa buhay nila.

“Ate wait lang, intayin mo ako dito.”

Hindi inintay ni Archer ang sagot ng ate niya at dali-daling iniwan ito. Tinawag pa ito ni Zoey pero hindi siya nito nilingon at nagtuloy-tuloy lang sa pagtakbo. Malapit lang iyon sa kanilang tinutuluyan, hindi alam ni Zoey kung saan nagpunta ang kapatid kaya ng umabot ng limang minuto itong wala ay pumunta na siya sa nilikuan nitong eskinita.

Mayroong iilang tao nanaglalakad at hinahanap niya si Archer. Nagsimula na siyang kabahan ng hindi niya makita ang kapatid kaya tinawag na niya ang pangalan nito.

“Archer! Archer!”

Ngunit walang sumasagot sa kaniya. Pero maya-maya ay nagulat siya ng biglang bumukas ang isang pinto a