Kabanata 86

Blair Castro

SA TENT kami natulog ni Lukas pero sa kwarto na ako nagising kinaumagahan. Nagising ako sa mabangong amoy na nagmumula sa labas kaya sumilip ako sa balkonahe at natagpuan doon ang mag-aama ko. Nagbabarbecue sina Onyx at Lukas at naglalaro naman sa tent sina Owen at Lira.

Nawili akong pagmasdan sila kaya nangalumbaba ako sa railing. Nakatop knot na naman ang buhok ni Onyx at ganoon rin si Lukas. Sa ayos nila ay parang bata at matandang Lukas ang nakikita ko ngayon.

“Pa, bakit iba ang asawa mo? Bakit 'di si mama?”

Natuon ang atensyon ko kay Onyx dahil sa tanong niya sa ama. Tama ang hinala ko. Curios siya sa lahat ng mga nangyari sa buhay namin.

Nakita kong bahagyang natigilan si Lukas. Bumuntong-hininga siya. “Mahabang kwento, buddy. Pero pag laki mo, sasabihin ko sa 'yo ang lahat.”

“Malaki na 'ko,