Chapter 89: Chaos

"Madam, madami pong mga reporters galing sa ibat-ibang networks ang naghihintay sa inyo sa labas."

Kagigigising pa lang ni Marissa ay iyon na agad ang bumungad sa kanya na balita. Ramdam agad ng ginang ng epekto ng nangyari kagabi.

"Ano pong gagawin namin, madam?"

"Bakit mo pa tinatanong? Eh di paalisin niyo! Lahat na lang ay itinatanong niyo sa akin! Wala ba kayong mga sariling isip?" singhal ni Marissa sa kanyang mga bodyguards.

Ang aga-aga ay purwisyo agad ang sumalubong sa kanya. Halos wala siyang tulog kagabi. Kung makukuha mang maidlip ay parang bangungot na nagbabalik sa kanyang panaginip ang napanuod na video ng anak at ng lalaki nito. Ang laswa. Sobrang bastos tingnan ang mga ito. Hanggang langit talaga ang kagustuhan na bigyan ng leksyon si Katie ngunit baka makadagdag pa siya at kung ano ang gawin. She's still her daughter after all.

Naabutan nila ito kagabi at kung paano ito maaksidente. Wala namang mga severe injuries pero kailangan pa ring ma-confine.

Mabilis na kumain n